ಜಲದರ್ಶಿನಿ ಅತಿಥಿಗೃಹದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, 2023 ವಿಧಾನಸಭಾ ಚುನಾವಣೆಯಲ್ಲಿ ರಾಜ್ಯದೆಲ್ಲೆಡೆ ಕಾಂಗ್ರೆಸ್ ಪಕ್ಷದ ಅಲೆ ಇತ್ತು. ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಮರೀಗೌಡರಿಗೆ ಟಿಕೆಟ್ ಎಂದು ತೀರ್ಮಾನವೂ ಆಗಿತ್ತು, ಆದರೇ, ಜೆಡಿಎಸ್‍ನಿಂದ ಬಂದ ಮಾವಿನಳ್ಳಿ ಸಿದ್ದೇಗೌಡ ಮತ್ತು ಮೂರ್ನಾಲ್ಕು ಜನ ಮುಖಂಡರು ತಾವು ಧೀರರು, ಶೂರರು ಎಂದು ಬಿಂಬಿಸಿಕೊಂಡು ಜಿ.ಟಿ.ದೇವೇಗೌಡರನ್ನು ಸೋಲಿಸಿಯೇ ತೀರುತೇವೆ ಎಂದು ಮುಖ್ಯಮಂತ್ರಿಗಳ ಮುಂದೆ ಬಡಾಯಿ ಕೊಚ್ಚಿಕೊಂಡು ಮರೀಗೌಡರಿಗೆ ನಿಗದಿಯಾಗಿದ್ದ ಕಾಂಗ್ರೆಸ್ ಟಿಕೆಟ್ ತಪ್ಪಿಸಿ ಮಾವಿನಳ್ಳಿ ಸಿದ್ದೇಗೌಡ ಟಿಕೆಟ್ ಪಡೆದರು. ಪ್ರಾರಂಭದಲ್ಲಿ ಬಿರುಸಿನ ಪ್ರಚಾರ ನಡೆಸಿದ ಸಿದ್ದೇಗೌಡ ಕೊನೆ, ಕೊನೆಯಲ್ಲಿ ತೆಪ್ಪಗಾದರು. ಇದಕ್ಕೆ ಏನು ಕಾರಣ? ಯಾರೊಂದಿಗಾದರೂ ನೀವು ಶಾಮೀಲು ಆಗಿದ್ರಾ, ಕೊನೆ ಮೂರು ದಿನ ಮೊಬೈಲ್ ಸ್ವಿಚ್ ಆಫ್ ಮಾಡಿಕೊಂಡು, ಅವಿತುಕೊಂಡ್ರಿ ಏಕೆ? ಕಾಂಗ್ರೆಸ್ ಪಕ್ಷದ ಸೋಲಿಗೆ ನೀವೇ ಕಾರಣವಾಗಿದ್ದು, ಮರೀಗೌಡರಲ್ಲ, ಹಗಲೂ ರಾತ್ರಿ ಪಕ್ಷದಿಂದ ಯಾವ ಸಹಾಯವನ್ನೂ ಪಡೆಯದೆ, ಮರೀಗೌಡರು ಕಾಂಗ್ರೆಸ್ ಪಕ್ಷದ ಗೆಲುವಿಗೆ ದುಡಿದ ಪರಿಣಾಮ ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಕಾಂಗ್ರೆಸ್ ಪಕ್ಷ 82 ಸಾವಿರ ಓಟು ಪಡೆಯಲು ಸಾಧ್ಯವಾಯಿತು. ಇದು ನಿಮ್ಮ ಮುಖ ನೋಡಿ ಜನ ಓಟು ಕೊಟ್ಟಿಲ್ಲ. ಸಿದ್ದರಾಮಯ್ಯನವರ ಮುಖ ನೋಡಿ ಜನ ಮತ ಕೊಟ್ಟಿದ್ದಾರೆ ಎನ್ನುವುದು ನಿಮಗೆ ನೆನಪಿರಲಿ.
ಇಲವಾಲ ಹೋಬಳಿಯ ಜನರಿಗೆ ನೀವು ಯಾರಂತಾನೂ ಗೊತ್ತಿರಲಿಲ್ಲ. ಗೆಲ್ಲುವ ಸಾಧ್ಯತೆ ಇದ್ದ ಕ್ಷೇತ್ರದಲ್ಲಿ ನೀವು ಬಂದು ಪಕ್ಷವನ್ನು ಸೋಲಿಸಿದಿರಿ ಎಂದು ಕಿಡಿ ಕಾರಿದರು.
ಸುದ್ದಿಗೋಷ್ಠಿಯಲ್ಲಿ ಅಹಿಂದಾ ಮುಖಂಡರಾದ ಸಂತೋಷ್ ಕುಮಾರ್, ಕೃಷ್ಣಪ್ಪ, ಶಿವಣ್ಣ, ಜಯರಾಮೇಗೌಡ, ಸಹನ, ಅರಸಿನಕೆರೆ ಸ್ವಾಮೀಗೌಡ, ದನಗಳ್ಳಿ ಬಸವರಾಜು, ಬೆಳವಾಡಿ ಲೋಕೇಶ್, ಬೀರುವಳ್ಳಿ ಕರೀಗೌಡ, ವೆಂಕಟರಮಣ, ಅಶ್ವಿನಿ ರೇವಣ್ಣ ಮುಂತಾದವರು ಇದ್ದರು.
0 ಕಾಮೆಂಟ್‌ಗಳು